Severin Staub, unschlagbar am vergangenen Samstag!

Schweizermeister im Nationalturnen 2019

Bericht STV: Der Oberaargau-Emmentaler Severin Staub (TV Melchnau) dominierte den LK2-Wettkampf. Er siegte hoch überlegen vor Kilian Arnold (TV Bürglen UR) und dem Schwyzer Florian Lustenbergerr (TV Arth-Goldau).

Seve zieht Bilanz

Am Samschti am 21. Septämber 2019 um 6:30 bi ig mit mine eutere und em Stefan Nussboum uf Grosswange agreist🚗
Dert acho hani e riese fröid gha und hami mega gfröit🙈 Nachem Amäude und iloufe bini de mitem Nüssu zum 80m Louf🏃🏻woni mit 10.5 ha chönne abschliesse. Nachere chline Verschnufspousä simer näre zum Witsprung und ou derte isches wie am ETF chlei id Hosä🙈 aber ig ha gwüsst jetz chöme mini Disziplinä. Miteme 10ni im Steistosse und emne 10ni im Steihebä bini näre ufem 5.Platz mit 38.8 xsi. Nachere Pouse isches de im vertroutere Terrain witergange und zwar im Sagmäu.😇 Mitemne Gwunnige mit de Note 9.80 bini i die zwöiti Heufti vor SM perfekt gstartet. Nacheme schnäuä Sieg gäge mi spötrig Schlussganggägner Arnold Kilian mit de note 10, hani gwüsst no ei Sieg und ig stoh, wie scho vor es paar Wuchä im Schlussgang. Woni de mi zwöit Gang im Ringe ha chönne gwünne, hani gwüsst, jetz cha ig umä Schwizermeistertitu kämpfe😍😊 Ig ha nach 7 Disziplinä söfu Vorsprung gha, dass si mi Schlussganggägner hei müesse lo usschwinge. Ds heisst, das me die Punkthöchste nach mir duet lo zäme Schiwnge und de dä, wo nach däm am meiste Pünkt het, mi Schlussganggägner isch. Am öppä 17.30 hetz gheisse füre Schlussgang söuä sech parat mache: de Stoub Severin und de Arnold Kilian. Ig ha gwüsst, dass egau was passiert ig Schwizermeister bi🙈 aber uf das hani mi nid wöuä verlo und ha vou agriffä. Und ig ha de Schlussgang nach churzer Gangdur chönnä gwinnä😇

Ig bi überglücklech und chas gar nonid so gloubä wasi erreicht ha🙈😇 Ig wett mi hiemit bim Nüssu, em Mättu, em Thomas Eichebärger, am Thomas Duppenthaler und am Christoph Schärli dankä, dass si mi a däm Tag ungerstützt u ahgfüüret hei😇 und e spezielle Dank geit a mini Rutere, wiu ohni sie wär das ganze ou nid müglech xsi😇🙈 Merci fiu mou😊😇🍀

Sportlechi grüess Seve🍀😇